Հարգելի բարեկամ
Ողջունում եմ և շնորհակալություն հայտնում Սյունիքի մարզպետարանի պաշտոնական կայքէջ Ձեր այցելության համար

Այստեղ Դուք կգտնեք ճշգրիտ, համապարփակ տեղեկատվություն Սյունիքի մարզպետի և մարզպետարանի աշխատակազմի գործունեության մասին: Կայքի առանձին բաժիններում ներկայացված են ՀՀ Սյունիքի մարզի, նրա սոցիալ-տնտեսական վիճակի, զարգացման ծրագրերի, համայնքների, արտաքին կապերի հետ առնչվող տեղեկություններ:
Տեղադրված տվյալները պարբերաբար թարմացվում են, անհրաժեշտության դեպքում ավելացվում են նոր ենթաբաժիններ: Կայքը այցելուներին ընձեռում է հարցման, էլեկտրոնային քննարկման հնարավորություն, հետևաբար, Դուք կարող եք անմիջական մասնակցություն ունենալ Սյունիքի մարզպետարանի համացանցային պաշտոնական կայքի թերությունների հայտնաբերման և առավելությունների գնահատման խնդրում: Ձեր առաջարկություններն ու դիտողությունները անհրաժեշտություն են մեզ համար:
Հուսով եմ, որ հանրության հետ բաց երկխոսության այս ձևը հնարավորություն կընձեռի Ձեզ հետ ապահովելու անմիջական հաղորդակցություն և արդյունավետ համագործակցություն:
Հարգանքով`

ՀՀ Սյունիքի մարզպետ
Սուրիկ Խաչատրյան


ՄԵԾ ԵՂԵՌՆԻ 100-ՐԴ ՏԱՐԵԼԻՑԻՆ ՆՎԻՐՎԱԾ ՄԻՋՈՑԱՌՈՒՄ ՄԵՂՐԻԻ ՏԱՐԱԾԱՇՐՋԱՆԻ ՇՎԱՆԻՁՈՐ ԳՅՈՒՂՈՒՄ

Մեծ եղեռնի զոհերի ոգեկոչման միջոցառումների շրջանակում Մեղրիի տարածաշրջանի Շվանիձոր գյուղական համայնքում տեղի ունեցավ դարասկզբի ցեղասպանության զոհերի հիշատակին նվիրված խաչքար-հուշակոթողի բացման արարողություն: Ապրիլի 18-ին համայնք էին այցելել Սյունիքի մարզպետի տեղակալ Վարդան Դավթյանը, մարզպետարանի աշխատակազմի կրթության , մշակույթի և սպորտի վարչության մշակույթի և սպորտի բաժնի պետ Սարգիս Դավթյանը, Սյունյաց թեմի առաջնորդական տեղապահ Մակար վարդապետ Հակոբյանը, Մեղրիի և Ագարակի քաղաքապետերը, հարյուրավոր շվանիձորցիներ, հյուրեր:Մոսկվայաբնակ շվանիձորցի գործարար Սարո Արսենյանի հովանավորությամբ գյուղի սուրբ Աստվածածին եկեղեցին մասնակի նորոգվել է,նրա բակը բարեկարգվել և կառուցապատվել, որտեղ էլ տեղադրվել է խաչքար-հուշակոթողը:

21.04.2015

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2015-04-21 15:04:25